VIGAN CITY – Pinalagipan ti Department of Health ti publiko nga agusar iti face masks ken safety goggles, ken siguradoenda a nadalus ti taraon ken danum nga ipaunegda kagiddan ti panagbettak ti Bulkang Kanlaon.
Segun ken ni Health Secretary Ted Herbosa, mangipatpatulod ti DOH Western Visayas Center for Health Development ti face mask, safety goggles, hygiene kits, jerry water cans, ken disaster relief tents kadagiti naapektaran a lugar iti asideg ti Bulkang Kanlaon sipud pay idi kalman,
Naka-code white alert status met dagiti ospital ta ti DOH ket masansan nga idekdeklararda daytoy no adda pasamak a mabalin a mangitunda iti mass casualty incidents wenno emergencies.
Segun iti Department of Health, mabalin a salwadan dagiti apektado a tattao ti barada manipud iti ashfall ken noxious gasses babaen ti panangisarrada dagiti ruangan ken tawa ti pagtaenganda, panagusar iti nabasa a kurtina wenno kawes a mangkallub kadagiti abot a mabalin a pagserkan dagiti ash ken gasses, kasta payen ti husto a panagusar iti face mask, wenno ti nabasa a lupot a pangabbung iti agong ken ngiwatda.
Mabalin pay a masalwadan ti ti matada manipud iti dapo ken tapok babaen iti panagaramatda iti safety goggles ngem masapul a liklikanda ti agusar iti contact lense.
