Binilin ti Department of Agriculture (DA) dagiti ahensya nga agsagana ken mangipaay ti tulong kadagiti amin a mangngalap ken mannalon a naapektaran ti panagduprak ti Tropical Storm Crising ken ti Southwest Monsoon wenno Habagat.
Iti inisyal a report iti agricultural damage nga impaay ti Bagyo Crising ken Habagat idiay Region 6 ken 4-B ket umaboten iti P53 million, umabot iti 2,099 a mannalon wenno nasurok 2,400 nga ektarya iti apektado.
Segun ken ni DA Undersecretary Roger Navarro, rumbeng laeng nga agtignay nga awan ti pannakaisanudna, dayta man ket permitting tapno mapalaka ti panagsagaba dagiti mannalon ken mangngalap.
Inapektaran ti Bagyo Crising ken ti habagat iti agduduma a paset ti pagilian a gappuanan ti napigsa a tudo ken nakaru a panaglayos.
Iti listaan manipod National Disaster Risk Reduction and Management Council (NDRRMC) ket tallo a tattao iti naipakaammo a natay idinto a tallo iti nadunor gapu ti epekto ti bagyo Crising ken ti Habagat.
Kinuna ni NFA Administrator Larry Lacson a rinugianen ti ahensya iti pannakairuar ti rice stocks kadagiti local government units ken national agencies kas paset iti manarimaan a disaster response.
