Pinasingkedan ti Department of Agriculture (DA) nga awan ti rumbeng a pakadanagan ti agriculture sector iti naipataw a sangapulo ket pito a porsiento a taripa iti Amerika kadagiti produkto a maipatulod iti Pilipinas idiay Amerika.
Segun ken ni Agriculture Secretary Francisco Tiu Laurel Jr., maibilang latta a napintas a damag ta bassit ti 17% nu ikumparar ti export tariff nga impataw iti Amerika kadagiti kaasideg a kakompetensya iti Pilipinas iti biang ti export.
Ti Vietnam ket pinatawan ti Amerika iti 46% tariff ken uray iti Thailand ket 46%.
Gapu ti addang ket maikkan ti gundaway iti Pilipinas a maka-export iti produkto idiay Amerika.
Ti kangrunaan nga iex-export iti Pilipinas iti Amerika ket niyog, bagus ken sea weeds.
Innayonna a maaddaan ti kompleto a listaan dagiti produkto a maiex-export idiay Amerika tapno makita nu ania iti matamaan ti reciprocal tariff iti Amerika.
