--Ads--
VIGAN CITY – Posible a kasoan ti Department of Agriculture dagiti naabak a bidder a mangdaddadael iti reputasyon ti ahensia gapu iti mapapati a nangina a panangpresyoda kadagiti ganagan.
Iti pannaki-uman ti Bombo Radyo Vigan ken ni Agriculture Secretary William Dar, kitkitaendan a naimbag no libelous ti statement dagiti naabak a bidder isu a nangisayangkatda ti central bidding tapno paneknekan a ti maysa a sako ti urea ket addaan ti minimum price a sangaribo a pisos.
Ingunamgunam ni Dar nga awan ti korapsion a napasamak iti procurement process kadagiti ganagan ken inlawlawag ti opisial aiti publiko nga ar-aramidenda ti nasao a banag para kadagiti mannalon.
