VIGAN CITY – Binallaagan ni Agriculture Secretary William Dar dagiti agilaklako ken aggatgatang kadagiti certified wenno hybrid seed a tulong ti ahensiada kadagiti mannalon.
Dayta ket kalpasan nga adda ti mapapati a re-seller kadagiti bukel a naggapu iti DA idiay Munoz, Nueva Ecija a tatta ket isu ti im-imbestigaran ti nasao nga ahensia ken namnamaenna a saanen a mapasamak kadagiti sabali a lugar.
Iti pannaki-uman ti Bombo Radyo Vigan kenni Dar, saan a rumbeng nga ilakoda dagiti aggapu iti ahensiada ta saanda a makatulong nangruna tatta nga adda ti krisis a sangsangwen ti pagilian gapu iti COVID19 pamndemic ken kasta payen iti naglabas a bagyo Ambo.
Immunan a pinasingkedan ti opisial a naanay dagiti tulong a maipaay kadagiti mannalon a naapektaran ta adda pay dagiti nadumaduma a programa nga inyuswatda a gagemna ti mangtulong kadagiti mannalon.
