Idauluan ni Agriculture Secretary Francisco Tiu Laurel Jr. ti taripnong inton January 3, 2025 a mangleppas ti plano nga ikkaten ti branding iti bagas kalpasan nga adda dagiti retailers ken traders iti mangal-allilaw kadagiti aggatang inaig ti premium rice imports tapno maikalintegan tin angina a presyo ti irik.
Segun ken ni Agriculture Assistant Secretary ken spokesman Arnel de Mesa, kayat ni Laurel a ma-standardize ti labeling iti bagas tapno saan a maallulaw dagiti aggatang kadagiti mananggundaway a traders.
Kinuna ni De Mesa a mismo a ni Laurel iti nakaduktal bayat iti inspection kadagiti pagtagilakoan idiay Metro Manila iti parikot ti branding iti imported a bagas ta ammona a P40 kada kilo ti rumbeng a presyo ti imported rice ngem mailaklako iti nasurok P60 kada kilo.
Maibasar iti consultation ti Department of Agriculture kadagiti traders ken importers, mabalinda laeng nga agnayon iti P6 agingga P8 kada kilo iti imported staple.
