Limapulo ket pito pay a Kadiwa ng Pangulo stores iti aglukat idiay Metro Manila a pakagatangan iti nalaka a rice varieties.
Segun ken ni Agriculture Assistant Secretary for agribusiness, marketing and consumer affairs Genevieve Velicarica-Guevarra, duapulo ket tallo a Kadiwa ng Pangulo stores iti agdama nga agop-operate iti agduduma a lugar idiay National Capital Region.
Ti Kadiwa outlet ket agilaklako iti P29 kada kilo iti bagas kadagiti vulnerable sectors pakairamanan ti persons with disabilities, senior citizens, benepisyaryo ti Pantawid Pamilyang Pilipino Program (4Ps) ken single parents.
Malaksid dayta ket adda pay bagas a P38 ken P45 kada kilo iti salinong ti rice-for-all program para iti 25% ken 5% broken rice, kasta payen ti P36 kada kilo iti Sulit rice.
