Inwaragawag ti gobierno ti Denmark a maiparit ti panagaramat iti social media para kadagiti agtawen iti sangapulo ket uppat agpababa wenno dagiti ubbing nga awan pay iti sangapulo ket lima a tawenda.
Mabalin a palubosan dagiti nagannak dagiti ubbing nga agtawen iti sangapulo ket tallo agingga sangapulo ket lima a maaddaan iti limitado nga access kadagiti sumagmamano a plataporma.
Ti addang ket sungbat iti panawagan ni Prime Minister Mette Frederiksen nga ingetan ti panagaramat iti social media kadagiti agtutubo gapu kadagiti parikut iti mental health.
Karaman kadagiti kangrunaan a plataporma nga ar-aramaten dagiti agtutubo idiay Denmark ti Snapchat, YouTube, Instagram, ken TikTok.
Simmaruno ti Denmark iti inaramid nga addang ti Australia a nangipatungpal met laeng iti social media ban para kadagiti ubbing nga awan pay sangapulo ket innem ti tawenda.
