VIGAN CITY – Posible a maimpeksyon ti maysa a tao iti dengue nga uray saan a nakarikna iti aniaman a sintomas.
Iti pannaki-uman ti Bombo Radyo Vigan ken ni Dr. Lioba Cecilia Tolentino, adu dagiti tattao a ma-infect ti dengue ngem saan pulos a naggurigor wenno nakarikna iti aniaman a klase ti sintomas isu a saan a maiyaleng-aleng ngem nu suspetsaen ti doktor nga agsagsagaba ket isun ti pannakaidalanna ti dengue duo test a pakakumpirmaran nu na-infect.
Segun ken ni Dr. Tolentino, kaadoan a kaso iti probinsia ket maaddaan laeng ti dengue fever ken malaingan iti uneg iti maysa wenno dua a lawas ngem posible nga adda dagiti agtinnag ti dengue hemorrhagic fever isu a masapul a mamonitor a nasayaat.
Impakaawatna kadagiti umili a mapasamak ti severe dengue symptoms nu mapukawen ti gurigor isu a masapul ti pannakamonitorda ta amangan nu agpadarada.
Inlawlawagna a ti dengue ket maysa a viral infection a gappuanan ti panagsakit a maala gapu iti kagat ti lamok a babai a kimmagat iti infected ti dengue.
VIDEO – DR. LIOBA CECILIA TOLENTINO
