--Ads--
Bimmaba iti 56% dagiti kaso ti dengue manipud Enero agingga Mayo ita a tawen no ikumpara iti nairekord a kaso iti kapada a panawen idi 2025, segun iti Department of Health.
Nairekord ti 50, 727 a kaso ti dengue iti umuna a lima a bulan ti tawen a nasurok kagudua ti bimmabaan na manipud iti 114, 308 a nairekord iti kapada a bulan idi napan a tawen.
Mamati ti DOH a dakkel a tulong iti panagbaba ti kaso ti panagdalus dagiti komunidad ti “4Ts” wenno “Taob, Taktak, Tuyo, ken Takip,” tapno maikkat dagiti pagitlogan dagiti lamok.
Nagbalaag met ti ahensia iti publiko a dagus nga agpa-konsulta ti doktor no kas bilang makarikna ti sintomas kas ti gurigor, rash, nausea, panagbakwar, panagsakit ti tiyan, bagbagi ken mata kasta pay ti panagdaringongo.
-- ADVERTISEMENT --
