Nakemmeg ti maysa a delivery rider iti naisayangkat a buy bust operation idiay Barangay VI, siudad ti Vigan.
Ti suspek a delivery rider ket agtawen ti duapulo ket dua, tubo ti Vigan City ngem agdama a residente ti ili ti Santa.
Ti drug evidence a naala manipud ti suspek ket walo a gramo ti mapapati a napagango a bulong ti marijuana a nakaikabil iti dua nga small transparent plastic sachet ken zip lock nga aggatad ti P960.
Dagiti met non drug evidence a nakompiskar ket pakairamanan ti totter pipe nga adda residue na, bassit a wooden stick nga adda residue na, P1, 000 a nagserbi kas buy bust money, kaha ti sigarilyo, lighter, cellphone ken motorsiklo.
Ti suspek ken dagiti naala nga ebidensia ket addan iti kustodiya ti Vigan City Police Station para ti naan-anay nga imbestigasion.
