Nakemmeg ti maysa a delivery rider iti buy-bust operation iti ili ti San Esteban, Ilocos Sur.
Ti suspek ket agtawen iti duapulo ket pito, taga-T. Alonzo Street, Baguio City.
Nakumpiskar manipud iti suspek ti maysa a mapapati a shabu nga aggatad iti P6,800 a naikabil iti heat sealed ken open transparent plastic a nagserbi a buy-bust ken possession ken nasurok kumurang 0.8 grams ti marijuana nga aggatad iti P96 ken naikabil iti transparent plastic ken narolyo nga aluminum foil.
Dagiti non-drug evidence ket pakairamanan ti maysa a genuine P1,000, innem a piraso ti boodle money, sangapulo ket tallo a pisos, sangapulo ket tallo a piraso ti aluminum foil, ascorbic acid box, chesterfield box, baraha, coin purse, cellphone, bag, dua a getting, lighter, ken motorsiklo.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
