Nadunor ti maysa a drayber ti motorsiklo gapu iti aksidente iti national highway ti Barangay Maynganay Norte, Sta. Maria, Ilocos Sur.
Ti lalaki a drayber ket agtawen iti duapulo ket innem, delivery rider, agnaed iti Barangay Nagsayaoan.
Agpapa-amianan ti motorsiklo idin ta bigla a saan a nakontrol ti drayber ti manibela ti luganna ket napan iti outer lane ken naidungpar iti barrier.
Gapu iti impact, naipurwak ti drayber iti bangir a barrier, idinto a ti motorsiklo ket naipurwak met laeng mano a metro ti kaadayona.
Natukkol ti kannawan a luppo, kannawan a takyag, kannawan a pattukanan ti drayber, ken nadunor pay ti nadumaduma a paset ti bagina.
Naipaagas iti ospital para iti naan-anay a pannakatamingna ket naduktalan a nakainom idi mapasamak ti aksidente.
