Maysa a delivery boy ti natay iti napasamak a hit and run iti national highway ti Barangay Nanguneg East, Narvacan, Ilocos Sur.
Nabigbig ti biktima a ni Patrick dela Rosa Soria, agtawen iti duapulo ket siam, taga-Bulanos, Narvacan, nagmaneho iti Suzuki Skydrive a motorsiklo idinto a saan pay nabigbig ti suspek.
Iti pannaki-uman ti Bombo Radyo Vigan ken ni Police Master Sergeant Stephen Aldoesa, investigator on case, gpapaabagatan ti motorsiklo idin ta idi nadanonna ti nakapasamakan ti insidente, saanna a nakontrol ti manibela ket naidarusdos iti kalsada ket naatalan iti saan a nabigbig a lugan a naggapu iti bangir a linya.
Gapu dayta, nagsagaba iti nakaro a dunor ti ulo ti biktima ket naitaray iti ospital ngem naideklarar a dead on arrival.
Kaso a reckless imprudence resulting to homicide ti sangwen ti nangdungpar iti biktima.
