Impaganetget dagiti abogado dagiti biktima ti extra judicial killings a rumbeng nga isardeng dagiti delaying tactics nga ar-aramiden ti kampo ni dati a Pres. Rodrigo Duterte tapno lapdan ti panaggaraw ti kaso.
Ti addang ket kalpasan a pinatibker ti International Criminal Court wenno ICC ti hurisdiksion-da iti imbestigasyon kontra ken ni Duterte mainaig iti mapapati a panaglabsing ti human rights iti salinong ti kampania kontra droga.
Impaganetget ni Atty. Neri Colmenares nga umanay ti ebidensia a naurnong iti ICC tapno ituloy iti imbestigasyon.
Impatangken ti dati a presidente nga awan ti basolna ken inawaganna a panaglabsing ti soberanya iti Pilipinas ti addang ti ICC.
Iti baet ti panagikkat ti Pilipinas iti Rome Statute idi 2019 ket pinagtalinaed iti ICC iti hurisdiksion dagiti krimen a napasamak bayat a miembro pay laeng iti Pilipinas.
Mangnamnama dagiti biktima a maipaay iti hustisya para iti rinibo a natay iti war on drugs.
