VIGAN CITY – Kiniddaw ti Commission on Human Rights a lumag-an iti pannusa iti kaso a libel tapno saan a mapaay dagiti agtrabtrabaho iti media ken rumbeng a dayawen ti gobierno ti press freedom kalpasan iti desisyon ti korte ken ni Rappler Chief Executive Officer Maria Ressa sa ti researcher a ni Rey Santos Jr.
Iti pannaki-uman ti Bombo Radyo Vigan ken ni CHR Spokesperson Atty. Jacqueline De Guia, napateg ti akem ti media iti publiko isu a pakadanaganda tatta ti desisyon ti korte kadagiti dua a media practitioner.
Ingunamgunam ni De Guia a no awan iti linteg ket saan a kasapulan a dusaen ti siasino man a nangiyebkas laeng ti riknada maipanggep iti gobierno.
No pay kasta, nawaya latta ti ahensia a mangawat kadagiti reklamo ti umili ken nakasaganada a tumulong kadagiti agkasapulan iti legal assistance.
