Umanamong ti Department of Justice ti desision ti Korte Suprema a nangpatibker iti bisa ti Department Circular No. 015, series of 2024 a nangingato ti basaran iti ebidensia iti preliminary investigation ken inquest proceedings manipud iti “probable cause” a napan iti “prima facie evidence”.
Naaramid ti panagbaliw iti patakaran tapno masolbar ti nabayagen a karit iti sistema ti hustisia, pakairamanan ti panagipila ti nakakapsot a kaso a mangpadpadagsen kadagiti korte, mangiyat-atiddog ti imbestigasion ken mangpabpababa ti talek ti publiko.
Babaen ti “prima facie evidence” a mangipakpakita ti saan laeng a “probable cause” ngem uray pay ti nainkalintegan a decision, impasigurado ti DOJ a dagiti laeng napateg a kaso ti maituloy para iti imbestigasion.
Dinayaw ni Justice Secretary Fredderick A. Vida ti decision ti Korte Suprema kas pammaneknek ti kari ti DOJ nga itandudo ti reporma ken pasayaaten iti sistema ti hustisia ti pagilian.
