Umabot iti 30% iti ngimmatoan ti gastos iti gobierno iti panagbayad ti utang nga umabot iti P138 billion idi Enero gapu iti nangina a mabayadan iti interest iti amortization.
Maibasar iti kaudian a listaan ti Bureau of Treasury, umaboten iti P137.67 billion ti pakabuklan a debt payments iti gobierno manipod idi nangrugi iti tawen a 29.3% a nangat-ngato kumparar iti P106.51 billion a binayadanna iti isu met la a panawen idi napan a tawen.
Mapatta-patta a 93% wenno P127.82 billion ti pakabuklan a gatad ket napan iti panagbayad ti interest, a ngimmato iti 22% manipod P103.44 billion idi napan a tawen.
Iti nasao a gatad ket 74% wenno P94.6 billion iti naibayad iti lokal nga agpapautang.
Nagbayad iti gobierno iti P85.4 billion nga interes para iti fixed-rate Treasury bonds, P3.68 billion para iti Treasury bills, ken P3.58 billion para iti retail Treasury bonds.
