VIGAN CITY – Dakkel a tulong ken ni Atty. Kim Tagorda iti pannakipaspasetna idi kallabes iti “Debate sa Bombo” ti panangrangpatna nga agbalin nga abogado kalpasan ti pannakapasana ti 2023 Bar Examination.
Iti pannaki-uman ti Bombo Radyo Vigan ken ni Atty. Kim Tagorda, ti exposure-na iti debate sa bombo ken agduduma a pasalip iti nangted dalan kenkuana tapno agadal iti law school ta patienna a napintas a training ground ta isu ti pakakitaan nu siasino ti addan ti potensyal iti biang ti linteg.
Segun ken ni Atty. Tagorda, gapu iti naawatda a pammadayaw a Best Debating Team ket nangted kenkuana iti inspirasyon nga agbasa ti law school.
Impaganetgetna a ti Debate sa Bombo ket maysa a napateg nga avenue para kadagiti agad-adal tapno makitan iti pudno a kaipapanan iti biag nangruna nu adu pay dagiti kayat a masursuro.
Linagipna dagiti paspasamak bayat nga agbasbasa iti law school ta uray narigat ta manarimaan pay iti panagisurona iti Ilocos Sur National High School ket inik-ikkanna latta iti oras ti bagina uray iti bakantena tapno makasurot iti panagadalna.
Pagyamananna amin a simmuporta ken nangikararag para iti pannakapasana ta ammona a dakkel iti nagbalin a pasetda para iti panagballigina.
VIDEO OF ATTY KIM TAGORDA
