Umaboten iti sangapulo ket tallo iti natay gapu iti panagduprak ti tropical cyclone Nika, Ofel ken Pepito kas kinuna ti National Disaster Risk Reduction and Management Council (NDRRMC).
Segun ti NDRRMC, lima kadagiti naipakaammo a natay ket na-validaten idinto a ti dadduma ket dumaldalan pay laeng iti verification ken tallo pay iti naireport a mapukpukaw.
Dagiti naglabas a bagyo a timmama ket nakaapektar iti 4.2 million a tattao wenno 1.1 million a pamilia iti tallopulo ket siam a probinsia a nagresulta iti 167,798 a tattao iti naawanan iti pagtaengan.
105,215 iti agtaltalinaed kadagiti evacuation center ken 62,583 iti agtaltalinaed iti agduduma a lugar.
P2.8 billion iti damages iti imprastraktura idinto a P748 million iti biang ti agrikultura.
