Umaboten iti uppat a pulo ket lima ti bilang dagiti natay idiay Mindanao kalpasan ti magnitude 7.8 a ginggined idi June 8, 2026 kas maibasar iti kaudian a listaan ti Office of Civil Defense.
Karaman kadagiti baro a nairekord a biktima ti pito manipod ili ti Jose Abad Santos ken maysa manipod Malita idiay Davao Occidental.
Malaksid dayta ket sangapulo ket pito pay iti naipakaammo a mapukpukaw pakairamanan dagiti uppat idiay Glan, Sarangani ken uppat manipod General Santos City.
Nasurok 450 nga indibidual met iti nadunor ken mapatta-patta a 35,673 a pamilia wenno 199 a barangay iti Region 11, 12, 9 ken BARMM ti naapektaran iti didigra.
Agtultuloy ti search and rescue operations iti naideploy a 3,700 uniformed personnel manipod Philippine Army, PNP, BFP ken Coast Guard babaen iti duapulo ket maysa nga air ken sea assets para iti relief ken transport iti supplies.
