Kinablaawan ni Dr. Remedios Navarro, Dean iti University of Northern Philippines – College of Arts of Sciences dagiti nakapasa iti Pyschometrician Licensure Examination.
Iti pannaki-uman ti Bombo Radyo Vigan ken ni Navarro, sipapannakkelda iti balligi dagiti nageksam ken apresyarenna ti nagbalin a performance -da nangruna iti nagbalin a topnotcher a ni Jerrimae Rhose Anne Peredo Ragudo a maikapito iti ranking.
Balakadna met kadagiti saan a nakapasa nga ipaspasnekda pay ti agreview para iti panageksamdanto manen ta saan pay a naudi ti amin.
Kabayatanna, agtultuloy ti panangallukoy ni Mico Molina, Program Head ti Bachelor of Science in Psychology kadagiti agexam a padasen iti ipapaayda a free review session iti tinawen a dakkel ti maitulongna kadakuada iti inda panagexam.
Kadagiti tallopulo ket pito a nagrehistro iti nasao a free review ket duapulo ket tallo ti nakapasa.
Manipud iti innem a pulo ket maysa a nageksam, tallopulo ket siam ti nakapasa, katukad iti 63.92 percent idinto a ti overall passing ti unibersidad ket 60.94 percent.
