--Ads--
Pinasingkedan ni dati a Commission on Higher Education Chair Prospero De Vera III a mabalin a naudin ti panagkiddaw iti pammakawan ni Ateneo Blue Eagles head coach Tab Baldwin.
Dayta ket mainaig iti pannakatay dagiti student-athlete a da Rene Baterbonia ken ni Divine Adili iti maysa a team-building activity idiay Aurora idi Hunyo 8.
Segun ken ni De Vera, uray napateg ti panangaklun iti responsibilidad ni Baldwin, saanna a malapdan dagiti imbestigasion nga agdama nga isaysayangkat dagiti ahensia ti gobierno.
Innayon pay ni De Vera a saan nga agpatingga iti panagkiddaw iti pammakawan ti patangan ta masapul pay a maamuan iti imbestigasion no adda pagkurangan wenno pakabasulan ti coaching staff ken ti unibersidad.
-- ADVERTISEMENT --
