VIGAN CITY – Saanen a kasapulan ti negative antigen test result kadagiti mapan idiay Ilocos Norte para iti day tour ken kadagiti adda kabagyanna iti nasao a probinsia a mabalinda a maturogan.
Segun ken ni P/Maj.Joseph Tayaban, Chief of Police iti Badoc Police Station, no la ketdi fully vaccinated ket masapul laeng ti vaccination card, aglog-in iti IlocosNorteTourism.PH tapno maidirekta iti TaraNa travel request ket maited ti tourist green card.
Saanen a masapul ti booking para iti day tour a kas koma no mapan laeng ag-shopping wenno bumisita kadagiti tourist destinations ti Ilocos Norte.
Idiay Badoc border ti mang-cater kadagiti LSI, ROF, ken APORS idinto nga idiay Pinili triage ti mang-cater kadagiti turista, buses, truck ken cargoes.
Inlawlawag met ni PMaj. Tayaban a no naggapu iti Alert Level 4 ken Alert Level 5 a lugar ket mai-require ti negative antigen test result kasta met no mapan iti Department of Foreign Affairs agsipud ta isu ti mandato ti nasao nga ahensia.
Dagiti 0-11 years old ket saanen a masapul a dumalan iti testing no la ketdi adda kaduada a fully vaccinated.
