Nagsentro ti maikadua nga aldaw a confirmation of charges hearing ni dati a Presidente Rodrigo Duterte idiay The Hague, Netherlands iti “Project Double Barrel” a pakairamanan ti Oplan High Value Target ken Oplan Tokhang.
Level 1 ti kababaan ket karaman ditoy dagiti street-level pusher idinto a Level 5 met ti kangatoan kas kadagiti high-ranking official nga adda pakainaiganna iti droga.
Karaman iti Level 5 dagiti 2 a dati a mayor a da Ozamiz City Mayor Reynaldo Parojinog Sr. ken ni Albuera, Leyte Mayor Rolando Rosal Espinosa Sr., a napapatay iti operasion.
Nadakamat pay ni Raul Yap, a nakalista kas maysa a drug lord.
Kadagiti news clipping nga impakita ti Office of the Prosecutor, mismo nga inamin ti presidente a saanna a kabuteng ti human rights ket salwadanna dagiti pulis a mangpatay kadagiti mapapati a drug user.
Malaksid iti proteksion, karaman pay iti kari ni Duterte ti reward ken promotion.
