Nakapanaw ti maysa a a self-confessed hitman ken kameng ti Davao Death Squad (DDS) a ni Edgar Matobato ditoy Pilipinas babaen ti panangusar na kadagiti forged documents ken baro nga identity-na.
Ni Matobato ket kangrunaan a saksi iti imbestigasion ti International Criminal Court (ICC) kadagiti maipagarup a krimen kontra iti humanity iti sidong ti administrasion ni Duterte, ket naglemmeng iti sangapulo a tawen sakbay a pimmanaw iti pagilian a kaduana ti pamiliana.
Ti panaglibas na ket imimbestigaran ti Bureau of Immigration.
Ti testimonia ni Matobato, kagiddan ti testimonia ni Arturo Lascañas a maysa met laeng a self-confessed DDS member, ket nairaman ti DDS iti nagadu nga extrajudicial killings iti Siudad ti Davao idi panawen ni Duterte kas mayor.
Nupay immuna a pinaikkat dagiti kaalyado ni Duterte, dakkel ti naitulong dagiti testimonia iti imbestigasion ti ICC, a mangsuksukimat kadagiti maipagarup a krimen a naaramid bayat ti “war on drugs” ti administrasion ni Duterte.
Ti imbestigasion ti ICC ket naipamaysa iti maipagarup a pannakairaman dagiti local law enforcement iti DDS ken manamnama nga agleppas iti kabiitan a panawen, a posible a mangipaulog kadagiti arrestwarrant.
