VIGAN CITY – Naibilang ti Davao City kas maikadua a ‘Safest City’ iti Southeast Asia nga addaan ti 72.4 safety index basar iti Numbeo’s Southeast Asia Safety Index 2023.
Patien ni Davao City Councilor Tek Ocampo a ti panagraem dagiti umili ken bisita iti siudad ti Davao ket gapo iti political will dagiti mangidadaulo partikular dagiti Duterte.
Iti laksid ti reshuffling ti liderato iti PNP Region 11 iti nabiit pay a panawen, ipatalgedda a saan daytoy a manglapped iti panangtaginayon ti Davao City iti kasasaadna kas safest city.
Segun kenni Mayor Sebastian “Baste” Duterte, ti nasao a pammadayaw ket mainayon iti umad-ado a listaan dagiti nagapuanan ti Davao City ken ti panangpatalinaedda a model city para iti kinatalged ken seguridad iti rehion.
