VIGAN CITY– Ti Davao City iti host iti Palarong Pambansa 2019 , dayta iti pinatalgedan ni Department of Education (Dep Ed) Secretary Leonor Briones iti naisayangkat a press conference idiay Vigan Convention Center ditoy syudad ti Vigan.
Segun kenni Briones, nangabak ti Davao City iti bidding process kontra iti Zamboanga Province, Misamis Occidental ken General Santos City.
Inlawlawag ni Briones nga inbasar da iti desisyon da iti estado dagiti playing venues iti nasao a syudad , saan ketdi a gapu ta isu iti lugar ni Presidente Rodrigo Duterte.
Kalpasan nga inpakaammo ni Briones iti nangabak ti bidding ket nairuar ti tarpaulin a pakakitaan ti ladawan ni Mayor Sara Duterte ken dadduma pay nga opisyal iti lokal a gobierno ti Davao nga adda iti nakasurat a “See you in Davao City Palarong Pambansa 2019”.
