Davao City Acting Mayor Baste Duterte, adda idiay Singapore iti baet ti mapaspasungadan a ‘charity boxing match’-da ken ni CPNP Torre

Addan idiay Singapore ita ti acting Mayor ti Davao City a ni Sebastian ‘Baste’ Duterte.

Segun iti National Bureau of Investigation, nakaawatda iti impormasyon manipud iti Immigration a rimmuar iti pagilian ni Baste idi kalman.

Kagiddan daytoy ti manamnama a ‘charity boxing match’ kontra ken ni PNP Chief Gen. Nicolas Torre III.

Naituding koma daytoy inton Domingo, July 27 idiay Rizal Memorial Coliseum, siudad ti Manila.