VIGAN CITY– Nakasaganan ni dati a Senate President Koko Pimentel nga umawat kadagiti trabaho na kas baro a chairman ti Senate Committee on Trade and Industry ken Joint Congressional Committee on the Automated Election System kalpasan iti iyuulog na iti pwesto.
Ti pannaki-uman ti Bombo Radyo Vigan ken ni Pimentel, naibaga na ti agdama ket mabalinen nga umasideg kenkuana dagiti babassit a negosyante nga adda reklamo na, nangruna dagiti naapektaran iti pannakaipaserra iti isla ti Boracay ken dadduma pay nga isyu inaig iti panagnegosyo ditoy pagilian tapnu maadal ken maikkan iti importansiya.
Malaksid iti senate committee on trade and industry ket iggeman pay iti dati a senate president iti Joint Congressional Committee on the Automated Election System nga isu iti agimbestigar kadagiti naduma-duma nga isyu a sangsangwen ken posible a sangwen iti automated election system nga isu iti maar-aramat nu madanun iti national elections.
