Ipapakemmeg ti korte gapu ti qualified human trafficking ni dati a Presidential Spokesperson Atty. Harry Roque ken uppat a pulo ket siam pay a dadduma a karaman iti POGO hub idiay Pampanga.
Ti warrant of arrest ket inruar ni Presiding Judge Rene Reyes iti Regional Trial Court Branch 118 idiay Angeles City, Pampanga.
Malaksid ken ni Roque, mapapakemmeg da Cassandra Ong ken uppat a pulo pay a sabali.
Awan iti inrekomendar ti korte a pyansada.
Imbilin pay ti korte a pagkaykaysaen ti sangapulo ket maysa a kaso a naipila kadagiti akusado kalpasan nga inanamungan ti Ex-Parte Motion for Consolidation ti prosecution.
Kabayatanna, kinuna ni Atty. Roque a maysa a pananggipit iti administrasyon ti nasao nga addang ket siguradoenna nga aramatenna dayta para ti asylum application-na.
