--Ads--
Kinumpirmaran ti Independent Commission for Infrastructure (ICI) nga awan iti naipasa a medical certificate iti ICI ni Rep. Martin Romualdez.
Kasaruno dayta iti kiddaw ni Romualdez nga isanud ti sumaruno nga isasangona iti komisyon ta dumalan iti medical procedure.
Segun ken ni ICI Executive Director Atty. Brian Keith Hosaka, nagpakaammo laeng dagiti abogado ni Romualdez ken saanda nga imbaga ti medical procedure a dumalanan ti dati a house speaker.
Kabayatanna, kinumpirmaran ni Hosaka nga agingga ita ket awan pay laeng ti sungbat ti kampo ti dati a congressman Zaldy Co mainaig ti imbitasyonda iti panagdenggeg.
-- ADVERTISEMENT --
Impaganetget met ni Hosaka a mangiruardanto manen ti subpoena kontra ken ni Co.
