Indeklara ti Senate impeachment court ni Gina Acosta, dati nga Special Disbursing Officer ti Office of the Vice President.
Nagdesision ni Presiding Officer Francis Escudero kalpasan nga aminen ni Acosta a maawan ti trabahona iti OVP no saanen a Vice President ni Sara Duterte ta ti posisionna ket co-terminus iti termino ti bise presidente.
Dinakamat pay ni Escudero nga iti maysa a counter-affidavit ni Acosta iti Ombudsman, ket kunana a saan nga inaramat iti madi ni Duterte ti confidential funds, a maikontra iti alegasion ti prosecution.
Gapu dayta, pinalubosan ni prosecutor Amando Ligutan nga agaramat iti leading questions, ngem inlawlawagna a saan a mabalin ti agaramat iti misleading questions.
Ni Acosta ket testigo para iti Article 1 ti impeachment case, nga adda pakainaiganna iti alegasion iti saan a husto a pannakaaramat ken irregular a liquidation ti P500 milion nga OVP confidential funds ken P112.5 milion a DepEd confidential funds.
