VIGAN CITY– Kaso a panaglabsing iti Republic Act 10591 wenno Comprehensive Firearms And Ammunition Regulation Act iti sanguen ni Timeteo Ben Quitoriano, dati nga Overseas Filipino Worker (OFW), agtawen iti 49 ken taga Barangay Aquib, Narvacan a naalaan iti nadumaduma a klase ti paltog ken bala.
Babaen iti bileg ti search warrant nga inserbi ni Hon. Judge Marita Balloguing iti Regional Trial Court, Branch 72, Narvacan ket sinukimat dagiti otoridad iti pagtaengan da Quitoriano a nakaalaan da kadagiti sumaganad:
maysa nga unit ti rifle cal. 30 Choate Tool Corp;
maysa a Pistol Jericho 9 mm;
maysa a pistol Ingram cal 9 mm;
77 rounds iti caliber 5.56;
25 rounds iti caliber 30;
94 rounds iti 9 mm;
24 rounds para ti special ammunition ti 9 mm;
64 rounds ti bala para iti cal. 45;
dwa a rounds ti special ammunition para iti cal. 45;
24 rounds iti live ammunition para ti caliber 243 winchester ;
253 spent ammunition ti 9 mm;
siyam a long magazine ken lima a short magazine para iti m16 rifle ;
2 magazine para ti carbine rifle;
maysa a magazine para iti Ingram pistol;
maysa a magazine para iti ultimax rifle;
dwa a magazine para iti 9 mm pistol.
