VIGAN CITY- Dukduktalen dagiti pannakabagi ti linteg it motibo iti pannakapapatay ni Moises Claustro Tuazon, agtawen iti innem a pulo ket uppat, dati a kapitan ti Brgy. Dalaguisen, Lagangilang, Abra ken ABC federated president gapu iti panangpaltog kenkuana dagiti saan pay a nabigbig a suspek idiay Tayum, Abra.
Segun ken ni SPO3 Rolen Bigornia, officer-in-charge ti Tayum municipal police station, sumrek kuman iti trabaho ni Tuazon idiay Bangued a nakalugan iti tricycle na idi nakadanun iti lugar a nakapasamakan iti krimen nga awan pagtaengan na, adda ti saan pay nabigbig a suspek a nakatamaan iti naduma-duma a paset iti bagi na a poon iti pannakatay na.
Agingga ita, awan pay laeng iti maibaga iti pamilya ti biktima a rason nu apay a napapatay ti biktima agsipud ta naibaga da nga isuna ket nasayaat a tao ken awan kaapa na iti lugar da.
