VIGAN CITY- Napalag-anan iti rikna ni dati a Supreme Court Chief Justice Maria Lourdes Sereno ta naamuan nan iti pinal a desisyon iti quo warranto petition kontra kenkuana.
Ti pannaki-uman ti Bombo Radyo Vigan ken ni Atty. Josa Deinla, maysa kadagiti pannakangiwat ni Sereno, nakapanawen ti Chief Justice iti korte a nagsagabaan na iti nakaro a pannakaidadanes, saan a panangrespetar ken saan a pannakaited kenkuana ti due process.
Nu pay kasta, inbaga ni Deinla a saan a nainkalintegan iti desisyon ti korte ta nalawag a panaglabsing iti linteg ken nalaukanen iti pulitika.
Inpatangken ti abogado a saanen a kasapulan ti dati a Chief Justice iti aniyaman a posisyon iti gobierno tapnu maituloy iti laban na para iti pannakital-o iti pamunganayen linteg ken waya-waya ti judicial department.
Immuna ti dayta, babaen iti botos a 8-6 ket inbasura ti korte iti motion for reconsideration nga inpila iti kampo ni Sereno kontra iti quo warranto petition nga inpila ti Office of the Solicitor General (OSG) gapu ta nakita ti korte nga awan iti baro nga argumento na inaig iti petisyon.
