Innaganan ni Presidente Ferdinand ‘Bongbong’ Marcos Jr. ti dati a Supreme Court Associate Justice Andres Reyes Jr., kas chairperson iti Independent Commission for Infrastructure, a nabilin nga agimbestigar kadagiti anomalya iti flood control project.
Nagretiro ni Reyes idi May 2020, umuna a mahistrado a napadayawan iti online retirement rites iti baet ti quarantine ken physical distancing rules gapu iti Covid19.
Nagbalin a trial judge idi 1987, Court of Appeals justice idi 1999, presiding justice ti appellate court idi 2010, ken dinutokan ni dati a Presidente Rodrigo Duterte iti kangatoan a korte ti pagilian idi 2017.
Ni Reyes ti third generation justice, anak ti dati a Court of Appeals presiding justice Andres Reyes Sr., ken apo ti Court of Appeals ken SC justice Alex Reyes Sr.
