VIGAN CITY – Impasigurado iti publiko iti pannakangiwat ni dati a Sen. Bongbong Marcos a ni Atty. Vic Rodriguez a natalged ti kasasaad ni Marcos kalpasan a nagpositibo ti coronavirus disease 2019.
Ti pannaki-uman ti Bombo Radyo Vigan ken ni Rodriguez, nangrugi a nagkakapsot ti dati a senador idi naggapu idiay Europe ket idi March 13 a nangrugi a nagself-quarantine ken idi March 22 ket nagpa-COVID-19 test ngem idi laeng March 28 a rimuwar iti resulta na a positibo iti nasao a sakit.
Ti agdama, agtaltalinaed iti uneg iti pagtaengan da ti dati a senador ken nainget a sursurotenna dagiti naiyetnag a self-quarantine procedures kagiddan iti panagpaimbag na ken panagkiddawna iti kararag para kadagiti padana a naapektaran iti agraraira itatta a sakit.
Kabayatanna, inyunay-unay ni Rodriguez a masapul a suruten dagiti umili dagiti amin a paglintegan nga inyetnag ti gobierno tapno maparmek ti panagraira ti COVID-19.
