--Ads--
Iproklamar latta ti Commission on Elections ni dati a Presidente Rodrigo Duterte no bilang mangabak daytoy iti umadani nga eleksyon inton Mayo.
Dayta ti linawlawagan ni Comelec Chairman George Erwin Garcia iti baet ti pannakakemmegna idi Martes babaen iti bileg ti arrest warrant ti International Criminal Court ken ti pannakaipanna idiay The Hague tapno idiay a sangwenna ti trial.
Immunan a pinasingkedan ni Garcia nga agtalinaed iti balota ti nagan ni Duterte a tumartaray kas mayor ti Davao City.
Iti panangilawlawag ti poll body, maibilang latta a kandidato ni Duterte ta saan pay laeng a nakobiktaran.
-- ADVERTISEMENT --
