VIGAN CITY – Ingunam-gunam ni Atty. Harry Roque, dati a pannakangiwat ni Presidente Rodrigo Duterte ken maysa a media law ken constitutional expert nga iyuray lattan iti desisyon ti Korte Suprema inaig ti quo warranto petition nga inpila ti Office of the Solicitor General kontra ti ABS CBN Network gapu iti mapapati a panangabuso da unay iti trabaho da.
Ti pannaki-uman ti Bombo Radyo Vigan ken ni Roque, awan iti aniaman a bibiang ti kongreso inaig ti nasao a banag ken natalek a patas ti agbalin ti desisyon ti korte ken maaddaanto ti gundaway nga agpalawag ti ABS CBN.
Kabayatanna, kuna ni Roque a ti tutukan tatta ti nasao a network ket ti pannakaalada ti baro a prangkisa agsipud ta agingga laengen March 30 iti agdama a tawen iti prangkisada.
Ti nasao a petisyon ket nagramot iti mapapati a panagabuso ti ABS- CBN iti prangkisa da ta manmano dagiti mabenbenepisyaran iti laksid nga adu dagiti subscribers da ngem saan a nadnadlaw kadagiti napalpalabas a tawen.
Inpatangken ti Office of the Solicitor General nga agibo-broadcast a libre iti nasao a network a saan a karaman iti legislative franchise da.
Malaksid iti dayta, bay-bay-an pay ti korporasyon dagiti foreign investors a makipagtagikuwa da ti Philippine mas media entity a panaglabsing ti foreign interest iti salinong ti Section 11, Article 16 ti Philippine Constitution
Kas ti Rappler, nangiparuwar ti ASB- CBN Philippine Deposit Receipts babaen ti ABS- CBN Holdings Corporation kadagiti gangannaet a nalawag a panaglabsing ti foreign ownership restriction iti mass media a masapul a dagiti mass media, korporasyon, kooperatiba wennu asosasyon ditoy pagilian ket masapul a kukua ti Pilipino.
