Inimbitaranen ti House Quad Committee ni dati a Presidente Rodrigo Duterte iti panagdengngeg inton Martes inaig iti mapapati nga extrajudicial killings kabayatan ti war on drugs ti administrasyonna.
Maibasar iti surat a pinermaan ni Rep. Robert Ace Barbers, chairperson ti House Committee on Dangerous Drugs, naimbitaran ni Duterte a mangilawlawag kadagiti isyu iti extrajudicial klling.
Ti sumaruno a House QuadComm hearing ket naituding inton Martes, October 22 iti alas nuebe y media iti agsapa.
Immunan a kinarit ni Duterte ti House Quad committee nga ayabanda iti hearing kadagiti isyu mainaig iti Philippine Offshore Gaming Operators (POGOs), iligal a droga, ken extrajudicial killings.
Segun ken ni Duterte, nakasagana a mangsungbat kadagiti saludsod ti quad-comm ta adu dagiti kayatna nga ibagana iti publiko.
Maipalagip nga immunan a nangiruar iti impormasyon dagiti dadduma a key official ti Duterte administration iti quad comm hearings kas kada retired police officer at dating Philippine Charity Sweepstakes Office General Manager Royina Garma ken Police Lt. Col. Jovie Espenido.
