Pinasingkedan ni Vice President Sara Duterte a saan nga aglibas ni dati a President Rodrigo Duterte nu diketdi kayatna laeng iti agsubli idiay Davao City nu maipalubos ti interim release-na kagiddan ti panagsagana ti legal team-na para iti umadanin a confirmation of charges hearing iti International Criminal Court (ICC).
Iti salinong ti Rome Statute, ti maysa a detainee iti ICC ket mabalin nga agipila para ti interim release ken mabalin a mapalubosan iti temporary freefom nu makasurot kadagiti requirements.
Idiay Kuwait, pinasingkedan ti bise presidente a kaykayat ti amana nga agdiyan idiay Davao City ngem iti sabali a lugar.
Ti maysa a requirements para ti interim release ket ti panangsigurado iti panangliklika iti aniaman a potential obstruction wenno intimidation kadagiti witness.
Segun ken ni VP Sara, napaneknekan ti amana a saanna nga inintimidate dagiti kritikona.
Kabayatanna, isagsaganan dagiti abogado ti dati a presidente iti panagipasa ti sabali manen a mosyon a saanen nga impakaammo ni VP Sara ta saan pay a naipasa iti korte.
