Dead on arrival ti maysa a retired PNP personnel ken agdama a Barangay Chairman gapu iti panangpaltog kenkuana ti Sangguniang bayan candidate idiay Barangay Nagtupacan, Lagangilang, Abra itay alas sais singkwenta iti rabii, April 7, 2025.
Ti biktima ket ni Lou Salvador Claro, agtawen iti limapulo ket pito nga agnaed iti nasao a lugar idinto a ti suspek ket ni Manzano Bersalona Agdalpen, agtawen iti limapulo ket walo, addaan ti live-in partner, kanidato para ti Sangguniang Bayan ken agnaed met laeng iti nasao a lugar.
Iti inisyal nga imbestigasyon, bayat ti panagkampania ti team ASENSO, nakatakder ti maysa a lalaki a managan Rommel Apolinar iti asideg ti area idin dinanog isuna ni Sangguniang Bayan candidate Agdalpen manipod iti team ASENSO.
Timmaray ni Apolinar a nagturong ken ni Barangay Captain Claro manipod team PROGRESO, a napan iti lugar a mangtinggar iti pasamak ngem dinanog manen ni Agdalpen ni Apolinar isu a bimmales.
Induron ni Agdalpen ni Brgy. Captain Claro, ket inasotna ti paltog sana imputok ken ni barangay kapitan Claro iti namin-ano a daras idinto a ti suspek ket pinaltogan ti saan pay a nabigbig a suspek.
Naipan ti biktima iti Seares Hospital para koma ti pannakatamingna ngem naideklarar a dead on arrival babaen ti attending physician-na idinto a ti suspek ket naipan iti Abra Provincial Hospital ngem naideklarar met laeng a dead on arrival babaen ti attending physician-na.
