Ipapakemmeg ti korte ni dati a Philippine Charity Sweepstakes Office (PCSO) general manager Royina Garma gapu iti kaso a panangpatay ken ni PCSO Board Secretary Wesley Barayuga idi 2020.
Iti nairuar a warrant of arrest iti Mandaluyong Regional Trial Court (RTC) Branch 279, karaman a mapakpakemmeg da dati a National Police Commission (NAPOLCOM) Commissioner Edilberto Leonardo, dagiti police officials a da Jeremy Causapin, Santie Mendoza, ken Nelson Mariano gapu ti kasona a murder ken frustrated murder.
Segun ken ni PNP Spokesperson Brig. Gen. Randulf Tuaño, iserbida ti nasao a warrant of arrest uray aniapay iti posisyon a nakaipan.
Kadagiti lima nga akusado ket ni Mendoza laeng iti adda iti floating status iti salinong ti kustodiya ti Personnel Holding and Accounting Unit (PHAU), ni Mariano ket naikkat iti serbisyo, idinto a ni Causapin ket nagikkaten iti puesto.
Maipalagip a napaltogan ni Barayuga bayat nga adda iti uneg ti luganna babaen ti saan a nabigbig a suspek a naglugan iti motorsiklo idi July 30, 2020 idiay Mandaluyong City.
