--Ads--

VIGAN CITY – Dakkel a banag para ken nidati a Navotas Chief of Police PCol. Allan Umipig iti imbestigasyon ti senado maipanggep iti isyu ti mistaken identity incident idiay Navotas City a nakatayan ti agtawen-iti-sangapulo ket pito a ni Jemboy Baltazar.

Iti pannaki-uman ti Bombo Radyo Vigan ken ni Umipig, nakasagana isuna a mangsango maipabpabasul a dishonesty ken misconduct kontra kenkuana ta kunana nga adda dagiti iggemna nga ebidensya.

Pakaragsakanna met a naikkan iti gundaway a mangngegan iti pagtaktakderanna iti imbestigasyon iti senado tapnon maduktalan no siasino dagiti agul-ulbod iti isyu ken tapnon maipaganetget a saan a naglemlemmeng ken awan ti kinalkalubanna nga aramid.

-- ADVERTISEMENT --

Inkalintegan ni Umipig a naibilinna idi kadagiti pinagtaltalkanna nga investigation section na ken ti imbestigador ti pannakaidalan iti paraffin test dagiti innem a suspek ken ti pannaka-autopsy ti biktima ngem saanda a sinurot.