Pinatawan ti Sandiganbayan iti innem agingga sangapulo a tawen a pannakaibalud ni dati a Land Transportation Franchising and Regulatory Board (LTFRB) Executive Director Samuel Jardin.
Ti addang ket kalpasan a napaneknekan a guilty iti kaso a korapsyon ni Jardin.
Adda pakainaigan ti kaso ni Jardin iti panagkiddawna ti P4.8 million kasukat ti panangaprubarna ti prangkisa ti PUJ operator a ni Michelle Sapangila idi 2019.
Iti walopulo ket walo a panid ti pangngeddeng ti Sixth Division iti Sandiganbayan, kinanunongan ti korte dagiti ebidensya ken testimonya ti complainant.
Gapu dayta ket ipapasubli ti korte iti gobierno ti P4.6 million nga inawat ni Jardin.
Malaksid laeng dayta iti pannakaibaludna iti sangapulo a tawen ken disqualification iti aniaman a posisyon iti gobierno a sangwen ni Jardin.
Iti salinong ti panangidaulo ni Transportation Secretary Arthur Tugade, immunan a napatawan iti tallo a bulan a preventive suspension ni Jardin.
