Imbutaktak ti maysa a self-confessed Angel of Death member iti panagdenggeg iti Senate Committee on Women a bilin ni Pastor Apollo Quiboloy dagiti pammapatay kadagiti agtiwtiwalag ken agbasbasol a miembro ti Kingdom of Jesus Christ.
Iti panagdenggeg inaig iti panagabuso ni Quiboloy, simmango ni Eduard Ablaza Masayon ken inaminna a paset isuna ti 2nd Metro Davao Signal Battalion nga adda iti salinong ti Sonshine Media Network International ken ibagbagana nga adda kainaigan ti Task Force Davao.
Dagiti kakaduada ket nagsanay iti Philippine Army Affliated Reserve Unit ken 11th Regional Community Defense Group reserve command iti Philippine Army.
Kinunana a nabukel ti private army tapno sapulen dagiti miembro a manglablaban ken ni Quiboloy ket agbalin laeng a kameng ti maysa a tao nu mapaneknekan ti kinapudnona iti kingdom.
Impada ni Masayon iti insidente iti insidente a nakaduana ti KOJC security compound iti maysa a miembro iti Angels of Death a ni Simon Tagnipis a mapapati a binilin ni Quiboloy nga ipapatay ni Domeng Jaruk, ti Datu iti Sitio Kahusayan idiay Davao City a nagkedked nga ilako iti dagana iti religious leader.
Saan a nagpaut ket pimmanaw iti kingdom ni Tagnipis nga isun ti pannakaawatna iti pangta agingga a napapatay.
Innayon ni Masayon a saan a pumatay dagiti kameng ti Angels of Death nu saan nga imbilin ti kangatoan wenno ni Pastor Quiboloy.
