VIGAN CITY – Agtultuloy a panangiparipirip iti dakes a resulta ti hazing kadagiti kadete ti Philippine Military Academy iti makitkita ni dati a Magdalo Partylist Rep. ken 1995 Marilag Class graduate Gary Alejano a maysa kadagiti solusyon tapnu maliklikan a maulit iti napasamak ken ni 4th class cadet Darwin Dormitorio a natay gapu ti hazing.
Ti pannaki-uman ti Bombo Radyo Vigan ken ni Alejano, inpaganetget na a masapul nga agtultuloy a maipakaawat kadagiti kadete nu anya dagiti dakes nga epekto ti hazing nu mapalaluan da ken nu matiliwan ida a dangdangran da dagiti kakadua da.
Kinunana, masapul a maisuro kadagiti kadete nga isuda a mismo iti manganawa kadagiti kakadua da nu bilang mailaw-an da a parigaten dagiti pada da a kadete, nangruna dagiti agdadamo da pay laeng iti uneg ti akademya.
Kagiddan iti dayta ket ingunam-gunam na a masapul a madusa nu siasino dagiti responsable iti napasamak ken ni Dormitorio ta saan met a mabalin a ti mismo uneg iti akademiya iti pakatayan dagiti manamnaman to nga agbalin a mangidaulo iti pagilian.
