Pinaglibakan ni dati a Department of Public Works and Highways (DPWH) Secretary Manuel Bonoan a nakaawat ti kickback manipod iti maanomalia a flood control project idi nasaludsod iti Senate Blue Ribbon Committee hearing idi January 19.
Ti pammabasol ket manipod ken ni dati a DPWH Undersecretary Roberto Bernardo a nagibaga iti maysa nga affidavit idi November no kasano a biningay ni Bonoan iti pasetda kadagiti proyekto nga indauluan ni Bernardo.
Iti affidavit, ti gatad dagiti proyekto ket mapatta-patta a P5 billion kada tawen para iti 2023, 2024 ken 2025 nga addaan iti 15% average commitment.
Segun ken ni Bernardo, manipod iti 15% average commitment, ket 25% iti ipapaay kenkuana ni Bonoan ket iti dadduma a commitment ket maipapaay kadakuada ken ni daydi Usec. Catalina Cabral.
No pay kasta ket pinaglibakan ni Bonoan iti nasao a banag ket kinunana nga awanan iti aniaman nga allocable amount.
