VIGAN CITY – Balligi a naiyuswat ti buybust operation idiay Mabilbila Sur, Santa babaen iti nagtipos a pwersa ti PIU, PDEU nga idadaulwan ni PLt Jomar Castro, santa MPS, PDEA ken dadduma pay.
Ti suspek ket ni Alfred Defiesta, agtawen iti tallopulo ket innem nga agnaed met laeng iti nasao a lugar.
Iti pannakiuman ti Bombo Radyo Vigan ken ni Plt Joseph Fielded, Officer in Charge ti Santa, datin a drug surrenderer ken pusher ti suspek kasta met a pinasingkedanna a maysa bulan da a sinipsiputan sakbay a naiyuswat ti operasyon
Innayonna pay a dagiti mangkwekswestyon iti napasamak ket nawaya da nga idanun iti korte tapno idiay a mapagpapatangan.
Naala kenkuana ti maysa a bassit a plastic transparent sachet ti shabu a buy bust item nga agdagsen iti 0.5 grams a ti DDB value na ket PHP3400 idinto a ti street value na ket PHP3000.
Malaksid ti dayta, naala pay ti lima gasut a pisos a buy bust money ken lima a piraso iti lima gasut a pisos a boodle money nga ikot ti suspek.
